كيف نتقي حساسية المضاد الحيوي كالبنسلين والسيفترياكزون - العلم بيقول ايه - ساينسوفيليا
كيف نتقي حساسية المضاد الحيوي كالبنسلين والسيفترياكزون - العلم بيقول ايه - ساينسوفيليا
السلام عليكم متابعينا الاعزاء اهلا بيكم في حلقة جديدة من برنامج العلم بيقول ايه انا محمد ياسر , هكلمكم النهارده عن موضوع مهم وخطير جدا وهو الحساسية ضد المضادات الحيوية , بعد حادثة الطفلة اللي حصلت فمصر بعد ما اخدت حقنة مضاد حيوي في الصيدلية بواسطة طبيب بيطري وتوفاها الله قررت ان اعمل حلقة كتوعية للأباء والأمهات عن الموضوع وهحاول ابسط المعلومة قدر المستطاع . خليك معايا ونكمل بعد الفاصل
....................
الحالة الخطيرة اللي حصلت للطفلة اللي توفاها الله اسمها anaphylaxis ودي بتكون حساسية مفاجئة قد تصل في بعض الأحيان انها تكون مهددة للحياة نتيجة التأثير على أعضاء الجسم الحيوية نتيجة اطلاق الخلايا البيضاء المناعية كميات كبيرة جدا من المواد المسببة للالتهاب inflammatory mediators في مجرى الدم , المواد دي في الحالات الطبيعية بيكون ليها دور مهم جدا ف محاربة العدوى عن طريق توسيع الاوعية الدموية لزيادة الدم الواصل لمكان الجرح والعدوى وبالتبعية زيادة الخلايا المناعية في مكان العدوى , لكن لما المواد دي يتم اطلاقها بكميات كبيرة جدا خلال الدورة الدموية في كل الجسم هتعمل توسيع كبير في الاوعية الدموية وانخفاض حاد في الدورة الدموية وضغط الدم , وضيق خطير جدا في الشعب الهوائية ومجاري التنفس
...............
الاعراض بتظهر غالبا خلال دقايق لساعه من التعرض للمادة وعلى الاغلب بتكون خلال اول ربع ساعه وبتبدأ الاعراض على صورة طفح جلدي وتورم ونهجان وعد المقدرة على التنفس ومغص شديد وغثيان ودوخة وتسارع ضربات القلب وانخفاض ضغط الدم وإغماء وفقد الوعي
............
طبعا العلاج المسعف في الوقت ده بيكون حقنة من الابينيفرن علشان يضيق الاوعية الدموية ويرفع الضغط الدموي للوضع الطبيعي , وبعد كده بيكون في علاجات اخرى مسعفة ومكملة للابنفرين زي مضادات الحساسية وتنفس الاكسجين والمحاليل ودي قصة الاطباء مش هنتدخل فيها ودي الحقنة رقم 3 اللي حقنها الطبيب البيطري للطفلة علشان يسعفها قبل ما يتوفاها الله .
..............
السؤال المهم بقى اللي انا عامل الحلقة اصلا علشانه ؟ اعمل ايه واتصرف ازاي في حالة كتابة مضاد حيوي حقن لطفلي ؟
مينفعش نهائيا انك تدي طفلك حقنة مضاد حيوي دون عمل اختبار حساسية
وبالأخص المضاد الحيوي البنسلين وعائلة beta lactam inhibitors
, وخصوصا لو في تاريخ مرضي لأحد الاقارب عنده حساسية ضد احد انواع المضادات الحيوية .
...............
والاختبار ده بيكون عن طريق حقن كميات صغيرة جدا من المضاد الحيوي الموصوف تحت الجلد بطريقة لازم يتدرب عليها مقدمي الخدمة الطبية , وبننتظر من ربع ل نص ساعة بعد الحقن ونشوف هل حصل تحسس ولا لا , والتحسس هيكون في صورة تحجر شديد جدا جدا في المنطقة المحقونه مع احمرار في الجلد فيما يعرف بال induration
,,,,,,,,,,,,,,,,
لو محصلش تحسس اذن المضاد الحيوي امن ومش هيحصل حاجة للطفل باذن الله
لكن ضروري يكون مقدم الخدمة الطبية مؤهل علميا وفنيا لعمل اختبار الحساسيو اعطاء المضاد الحيوي عن طريق الحقن طبقا لارشادات التوصيات الطبية من حيث مدة حقن المادة وسرعة الحقن للجسم
..............
بالنسبة للدراسات العلمية ف الدراسات بتوصي بعمل اختبار الحساسية طبعا لكن في دراسات بتقول ان اختبار الحساسية بطريقة الحقن تحت الجلد ممكن يكون غير مجدي في حالة المضادات الحيوية غير مادة البنسليين لكن يتم حقن المضاد الحيوي بالجسم بكمية قليلة كإختبار لمدى تحسس الجسم لإن أحيانا بيحصل نتيجة سلبية كاذبة في اختبار الجلد ويكون المريض عنده حساسية ضد المادة زي ما بيحصل احيانا في بعض المرضى مع مجموعة السيفالوسبورين اللي من ضمنها حقن السيفوتاكس لذلك حقن 1 مل من مادة السفترياكزون كجرعة ابتدائية اشوف بيها رد الفعل المناعي مهم جدا .
.........
لهنا تنتهي حلقتنا اللهم انفهنا بما علمتنا وعلمنا ما ينفعنا وزدنا علما متنساش تعمل لايك وسبسكرايب وتشارك في الكومنتات عن مواضيع تحب اننا نتكلم فيها مع السلامة
التعليقات على الموضوع