شغف العلم الذي لا ينتهي

ما هو الملح الصيني وما هي مخاطره ؟ - العلم بيقول ايه - ساينسوفيليا

ما هو الملح الصيني وما هي مخاطره ؟ - العلم بيقول ايه 




كتابة وتقديم : محمد ياسر الصدفي 

باحث بالعلوم الطبية 


   لينك الحلقة 

ما هي أضرار الملح الصيني ؟ - العلم بيقول ايه

السلام عليكم متابعينا الأعزاء انا محمد ياسر وانت بتتفرج على حلقة جديدة من برنامج العلم بيقول ايه . هنتكلم النهارده عن الملح الصيني اللي غزى المطبخ العربي التقليدي وبقى موجود في بيوتنا زي ملح السفرة , يا ترى العلم بيقول ايه عليه , وهل ليه اضرار ولا لا , وهل في حد مسموح من الاستخدام اليومي ؟ كل ده هنعرفه مع بعض النهارده خليك معايا لاخر الحلقة ونكمل بعد الفاصل ........................................ الملح الصيني هو عبارة عن مركب متكون من عنصرين أساسيين وهم الصوديوم والحمض الأميني الجلوتاميت لذلك اسمه الكيميائي MSG ........................... الحمض الاميني الجلوتاميت مهم جدا لكتير من العمليات الحيوية في الجسم زي عمل العضلات والجهاز المناعي وعمليات الهضم والأهم كيمياء المخ ......... جسمنا بيقدر ينتج الجلوتامين الكافي لكل العمليات دي وكمان نقدر نحصل عليه من الاكل وليه الطعم المميز المالح اللي بيظهر في الجبنة والطماطم والمرقة والمشروم ............ سنة 1908 الكيميائي الياباني د ايكيدا كيكوناي المسؤول كان بيحاول يعزل العنصر المسؤول عن الطعم المالح المميز والجذاب لينا في شوربة المرق وسمى الطعم ده بإسم أومامي وبعد ما كانت الاطعمة المعروفة في علم الطعام اربعه وهي الطعم اللاذع والحلو والمالح والمر بفضل ابحاث د ايكيدا الطعم الاومامي بقى خامس الاطعمة / بمعنى الطعم المالح الجذاب ............ كل طعم من دول بيكون مسؤول عنه مجموعه من المركبات المميزة , في حالة الأومامي بيتكون الطعم لما بنطبخ الاطعمة ويخرج منها كميات من البروتين والاحماض الامينية زي الجلوتاميت ........... دكتور ايكادا قالك طب ما انا اخد الحمض الاميني الجلوتاميت واضيف ليه عنصر تاني محسن للطعم زي الصوديوم وأوفر طعم الاومامي على كل سفرة وفي كل مطبخ ونستمتع بالأكل ............ وبالفعل توصل اخيرا لتركيبة اللي بنسميها حاليا الملح الصيني واختراعه عمل ضجة كبيرة ونجح نجاح مبهر وانتشر انتشار كبير في كل المطابخ الاسيوية سنة 1930 وفي منتصف القرن العشرين كان الملح الصيني انتشر في كل انحاء العالم كأحد محسنات الطعم ............. وللأسف ده حصل من غير ميخضع المركب لكمية الدراسات الكافية لقياس خطورته او تأثيره السلبي .......... الحقيقه ان في جدال واسع وتضارب كبير في مدى خطورة وأمان الملح الصيني , اول بلاغ عن حدوث ضرر من الملح الصيني , كان سنة 1968 من طبيب امريكي بعد ما أكل في مطعم صيني وبعدها فتح عيون الباحثين على دراسة المركب بشكل أكبر وبقى علماء الfood research واخدين ال MSG غسيل ومكوة ..................... وطلعت دراسة سنة 1969 بتقول ان حقن جرعات كبيرة من ال MSG في الفئران حديثي الولادة تسبب في مشاكل عصبية خطيرة وبعدها العالم وجراح الاعصاب الامريكي د راسيل بلايلوك الف كتاب سماه the taste that kills زود من المخاوف ضد الملح الصيني ........ دراسة اخرى اثبتت ان زيادة مستوى الجلوتاميت في الدماغ بتسبب ضرر كبير , والجرعات العالية من الملح الصيني بترفع مستوى الجلوتاميت في الدم ووصل معدل الارتفاع في الدراسة دي ل 556 % ............ ومع ذلك عند معدل الاستهلاك الطبيعي مفيش اي تأثير هيحصل للدماغ لإن الMSG مش هيقدر يخترق ال BBB بمعنى ابسط مش هيدخل نطاق المخ ........... الملح الصيني بيعمل متلازمة اسمها متلازمة الملح الصيني او MSG symptom complex ودي بتتضمن الدوخة والصداع والتشنجات العضلية وتنميل الاطراف والضعف العام واحمرار الجلد . .......... لكن الحد اللي لو اتخطيناه هتظهر الاعراض دي هو 3 جرام ف الوجبة يعني حوالي 6 اضعاف الحد المسموح في الولايات المتحدة وهو 0.5 جرام .......... العلماء بيقولو ان سبب ظهور الاعراض دي بتكون بسبب مقدرة كميات صغيرة من ال msg على عبور ال BBB وبسببها بيحصل مشاكل في كيمياء الدماغ ............. دراسة اخرى اثبتت حدوث ازمة او ضيق تنفس في 40 % من المشاركين لما تناولو جرعات كبيرة من الملح الصيني ومع ذلك في دراسات طلعت وقالت مفيش علاقة بين لملح الصيني وبين حدوث ضيق التنفس .......... بعض الدراسات ربطت بين حدوث السمنة ومعدل الاستهلاك - في دراسة على الفئران تسببت الجرعات العالية من الملح الصيني في زيادة وزن الفئران - اما على البشر ف الدراسات قليلة وبرضو وقعت في نفس المشكلة وهي مشكلة التضارب - في دراسة على مجموعة من الصينيين تسبب استهلاك من 0.3 ل 2.2 جرام من الملح الصيني بشكل يوي في رفع معدل السمنة عند المشاركين , اما في دراسة على الفيتناميين لم يحدث تغير في اوزان المشاركين مع معدل استهلاك 2.2 جرام يوميا اما على مجموعة من التايلانديين تسبب في زيادة الوزن وحدوث مشاكل في الميتابوليزم او الايض لدى المشاركين , لكن للأسف تم انتقاد الدراسة لمشاكل في تطبيق وتركيب الدراسة . ................. في دراسة اخرى تسبب استخدام جرعات عالية من الملح الصيني في رفع ضغط دم المشاركين بشكل ملحوظ وحدوث صداع وشعور بالغثيان , لكن الجرعات كانت عالية بشكل مبالغ فيه .................... طيب نيجي للسؤال المهم يا عم انت حيرتنا معاك عرفنا نعمل ايه هو كويس ولا مضر ؟ - بص انا بحب دايما اصل للاجابة عن طريق طرح الاسئلة , فتعالى نسأل نفسنا , يا ترى الدراسات المعملية على الخلايا والحيوانات بتقول ايه فبجانب الدراسات اللي انا عمال ارصهالك طول الحلقة - في دراسة سنة 2015 على الحيوانات اثبتت ان الاستخدام الطويل تسبب في فشل كلوي للفئران -في دراسة سنة 2016 على الخلايا اثبتت ان اي كمية من ال MSG كانت genotoxic يعني تسببت في مشاكل المادة الوراثية للخلايا وبالأخص خلايا ال lymphocytes المناعية - في دراسة 2014 قالت ان الملح الصيني ممكن يكون مرتبط بالاكتئاب وظهور اعراضه نتيجه تأثيره على هرمون السيرتونين المسؤول بشكل ما عن تظبيط موود الانسان ومزاجه - في دراسة سنة 2011 على الاطفال قالت ان في علاقة بين الملح الصيني وحدوث الالتهابات الجلدية dermatitis - في 2009 و 1995 دراسات مرجعي

ما هو الملح الصيني وما هي أضراره ؟ - 

هناك تعليق واحد: